Betebeharrezko Otoitzak

Bahá'u'lláh-k hiru Betebeharrezko Otoitz errebelatu zituen: Laburra, Ertaina eta Luzea. Hiru horietatik fededun bakoitzak egunero bat aukeratzen du errezitatzeko. Otoitz bakoitzak baditu errezitatzeko modu berezia.

 

Marco Abrar-en argazkia - Baha'iPictures.com

Betebeharrezko Otoitz Laburra

Ezagutu eta gurtu zaitzadan Zeuk sortu izan nauzun lekuko naiz ene Jainkoa! Aitortzen ditut une honetan nire ezintasuna eta Zure ahaltasuna, nire txirotasuna eta Zure aberastasuna.

Ez dago zu ez beste Jainkorik, Arriskuan Laguntzailea, Zure Izatez Irauten duzuna.

Betebeharrezko Otoitz Laburra 24 ordutik behin errezitatu behar da eguerdia eta ilunabarra artean. Fededuna bere gelan, edo bere baitan biltzeko leku apropos batean, zutik jarriko da qiblara begira, Akkako Santutegira begira, alegia, eta aurreko hitzak errezitatuko ditu.

(Baha'u'llah, Otoitzak eta Meditazioak)

Urik ez balego edo fededunak ezin izango balu eskuratu, abluzioak egin beharrean honako bertso hau errepikatu beharko du bost aldiz:

Jainkoaren izenean, aratzena, aratzena.

 

Honako hauek salbuetsita daude: 

1.- Gaixoak, 

2.- Hirurogeita hamar urtetik gorakoak, 

3.- Emakumeak hilekoa duten bitartean baldin eta larogeita hamabost aldiz errepikatzen badute honako bertso hau:  Aintzaldua izan bedi Jainkoa, Distiratsua eta Ederra.

Arriskuan egonez gero, bidaian izan ala ez, egiten ez den Betebeharrezko Otoitz bakoitzarengatik makurtu eta bertso hau esan behar da behin: Aintzaldua izan bedi Jainkoa indarra eta maiestatea, grazia eta bihotz-zabala duena (hori dena ezin izango balu esan dezala: Aintzaldua izan bedi Jainkoa) eta ondoren beste bertso bat hemezortzi aldiz: Aintzaldua izan bedi Jainkoa zeru-lurreko Jauna.